Le mardi 25 mars 2014
Merci !
Le Felibrige remercie, toutes les personnes qui se sont rendues à Maillane ce 25 mars pour commémorer le centenaire de la mort de Frédéric Mistral. Comme au jour de sa mort, autour du Capoulié du Félibrige et de Madame le Maire de Maillane, des centaines de Félibres ont accouru de toute la Provence, du Languedoc, d’Aquitaine…, de Paris aussi. Egalement à leur côté nombre d’anonymes, une foule recueillie, mais aussi des personnalités : M. Michel Vauzelle, Président du Conseil Régional Provence-Alpes-Côte d’Azur ; M. André Guinde, Vice-Président du Conseil Général des Bouches-du-Rhône, de très nombreux maires, Monseigneur Christophe Dufour, archevêque d’Aix et d’Arles…
Reconnaissance envers la mairie de Maillane qui a tout mis en œuvre pour réussir magnifiquement cette journée du centenaire avec simplicité, dignité et ferveur.
Pareillement, merci envers tous ceux qui, à l’appel du Félibrige, en des centaines de lieux dans tout le Midi et même à l’étranger, ce 25 mars, ont rendu un hommage à Frédéric Mistral.
Maiano
Dimars 25 de mars 2014
Centenàri de la mort de Frederi Mistral
Discours dóu Capoulié
I’a just e just cènt an la Prouvènço s’enmantelavo d’un vèu de dòu. Frederi Mistral venié de s’amoussa, éu qu’avié rendu sa glòri à nosto lengo e renadivo l’amo dóu païs.
La Prouvènço subran aprefoundido dins lou desrèi, d’à cha pau s’assoulavo mai tambèn se requinquihavo davans lou toumbèu d’un maje que d’uno Estello à sèt raioun lou mounumen porto l’image.
Es emé lou pes de l’istòri sus lis espalo, emé la flamo de la baudour peréu, que me presènte davans vous, Mèstre, en aquel anniversàri esmouvènt e tout à-n-un cop fervènt à noun plus.
Lou Capoulié que siéu, jamai aura avaloura coume à-n-aquel istant lou grèu de sa cargo e l’ande de l’eiretage.
Celebra lou Centenàri de la mort de Frederi Mistral, apelo à-n-uno founso umelita.
Es d’aiours emé umelita que despièi cènt an fidelamen tóuti li 25 de mars, se venèn clina dins la souvenènço.
Vuei après tant d’annado, es sènso plourun que s’acampan. L’auto dignita a gagna nòsti rèng, es fièr e clafi d’envanc que rendèn l’oumenage eterne, oumenage refourti e plen d’esperanço que de-longo flamejo dins nòsti cor, regounflo de la leiçoun de patrioutisme e de sagesso que nous a ensigna Frederi Mistral.
Uno renoumado vivo que jamai calè, un engèni recouneigu de tóuti, sufis de vèire fin qu’à l’estrangié lou noumbre de manifestacioun, d’inaguracioun previsto aqueste an. N’avèn pièi agu encaro la provo recentamen au Parlamen ounte, tout de long di debat e dis esplicacioun di voto toucant à la proupousicioun de lèi counstituciounalo visant à ratifica la Charto éuroupenco di lengo regiounalo o minouritàri, menistre e deputa evouquèron mai que d’un cop lou noum de Frederi Mistral. Aquelo counsideracioun mostro à bèus iue vesènt que lou foundadou dóu Felibrige, es l’incountestablo referènci au coumbat mena pèr l’aparamen di lengo regiounalo. Li paraulo ausido à l’Assemblado naciounalo, lis avèn reçaupudo coume lou juste laus de la nacioun, un laus qu’aurian degu entèndre vuei se la pountanado eleitouralo nous l’avié pas leva.
Ansin, vuei, agroupa à l’entour dóu cros nous fau souveni dóu pouèto qu’esmòu, dóu pouèto que tremudo e qu’aubouro l’èime dis ome. Nous fau souveni dóu pouèto qu’a sachu espremi lou subre-bèu, lou divin, l’auto saviesso. Nous fau souveni de sa pensado prefoundamen umano, qu’es un moudèle d’umelita e de grandour. Nous fau souveni dóu pouèto que tambèn a mena uno batèsto eminentamen poulitico dins ço qu’a de mai noblo.
D’aquéli souvenènço s’aubouro l’espandido dóu message benurous, de la vertu mistralenco, dóu pres-fa espetaclous, de l’eisèmple preclar e magnifi d’uno vido.
Mistral majestous coume lou roure, defuntè aureoula de la recounèissènço dóu pople, dis edile de soun païs e di saberu dóu mounde entié.
Li cènt an qu’an segui la despartido de Frederi Mistral l’an encaro grandi, vuei es sèmpre à soun pountificat e li siècle à veni lou grandiran encaro mai. Mistral es la referènci à tóuti lis ate, Mistral ispiro, Mistral guido, Mistral nous porto.
Aquelo poutènci qu’en cènt an s’es pas jamai aflaquido, vuei coume aièr, raiouno que noun-sai.
Au jour dóu centenàri de la mort de Frederi Mistral, en disciple, en relais de sa pensado, de soun obro coumoulo de proumesso e de bèuta, nous veici servidou, pourtaire, escampaire de l’ideau e dóu raive mistralen. Aqui ounte trèvo soun amo, sian vengu dire noste amour, nosto amiracioun, nosto ambicioun de segui soun eisèmple e persegui soun obro.
Après cènt an, sèmpre emé la memo counvicioun pèr davera, se noun la branco dis aucèu, uno Franço mens centralisado que prengue mai de counsideracioun pèr li lengo istourico de soun terraire, em’ un mai grand respèt tambèn pèr nòsti tradicioun. Pèr davera aquéli tros de liberta, avèn toujour besoun de la flamo mistralenco qu’esbrihaudo, empuro e endraio. Aquelo flamo, testimòni sacra dis estrambord, di pantai, dis espèr, la dreissan coume un troufèu, coume uno vitòri, la dreissan dins lou meme envanc que Frederi Mistral enauravo lis àuti jouissènço que se trufon dóu toumbèu.
Mèstre, es grando nosto emoucioun vuei, aqui davans lou tèmple ufanous di recourdanço, acroupòli vivo de fe e d’espèr.
Jaque MOUTTET
Capoulié dóu Felibrige
