-Santo-Estello de Sant-Roumié
-Discours de la Coupo
-Dilun 20 de mai 2013
-Gènto Rèino,
-Car Felibre,
Nous veici acampa dins aquelo antico ciéuta de Sant-Roumié que despièi li rouman ‘mé pèr bàrri li roco dis Aupiho, demoro un signau di terro d’o. Sant-Roumié a baia li meióuri flour au Felibrige e vole, en aqueste an 2013, saluda sa drudesso, ié rèndre oumenage. Au noum de tóuti gramacìe moussu lou Maire e lou municipe sant-roumieren d’agué vougu nous reçaupre, de nous faire bello acuiènço e de nous permetre ansin, en celebrant lis àuti remembranço ligado à sa vilo, d’endrudi noste enavans.
-Oumenage dounc à Sant-Roumié, pèr ço que represènto de fort e de fièr dins la civilisacioun nostro emai dins l’istòri felibrenco despièi Roumanille, fin qu’i Jan Roche, Marìo Mauron, Marcel Bonnet o Carle Galtier. Noste enavans vuei se nourris de soun eisèmple e en aquest an 2013 que marco lou centenàri dóu triounfle de Mistral à-z-Ais o de la vesito que lou Presidènt de la Republico ié rendeguè, se velo d’uno fervour encaro mai forto.
-Es dounc un envanc mescla de joio e d’espèr que nous buto à faire entèndre la determinacioun dóu Felibrige, à faire lusi que mai li mirau de nosto culturo.
-N’i’aura seguramen pèr dire qu’es descounvenènt de parla de culturo e subre-tout de culturo regiounalo en un tèms ounte la criso, lou chaumage e la vióulènci soun au cor di preóucupacioun. Mai, que noun, s’agis pas soulamen de culturo, s’agis d’un biais de vido, d’un modo de soucieta, d’uno qualita de vido, s’agis dóu mistralisme que voulèn bouta à l’endavans de l’atualita. Lou mistralisme s’apielo sus lou respèt, lou partage, la couneissènço. Lou mistralisme tremudo l’enchaiènço pèr li lengo regiounalo, li biais de vido, lis usage e lis antìqui liberta, en un afougamen fegound pèr l’amo prefoundo di pople, la literaturo, l’estùdi e pèr l’espandido dóu tresor requist di civilisacioun.
-Lou mistralisme es lucha contro l’escafamen de tout ço que coustituïs l’eiretage farga pèr li paire, es faire glòri de tout ço que restaco l’ome à sa terro.
-Lou mistralisme es un principe, uno teourìo, un eisèmple de vido, es lou courrènt d’acioun e de pensado dóu Mèstre. Lou mistralisme es uno lucho pacifico : obro, cargo, devé dóu Felibrige.
-Sian, felibre, serviciau d’aquelo grando idèio, n’en sian li menaire infatigable. Ansin, ço qu’esperan, ço que souvetan, vendra d’aquelo presènci coustanto, qualitouso que souleto pòu nous valé li simpatìo que faran avança un jour nòstis aspiracioun, nòsti revendicacioun.
D’aquelo sano boulegadisso, emé l’empuramen de l’amour patriau, pòu e dèu naisse uno renouvacioun de la soucieta.
-Faudra bèn un jour que la Franço renouncie à l’egoucentrisme, faudra bèn un jour que tempère si pòu au regard de si regioun e que s’avise qu’uno autro vesioun, uno autro ourganisacioun dóu païs es poussible e qu’aurié de n’en tira largamen proufié.
-L’unifourmita, la pensado unico parisenco, la negacioun di lengo e di culturo regiounalo noun podon èstre lou prougrès. Prouclaman, nautre que lou prougrès, la richesso e l’aveni s’atrobon dins la diversita, dins lou respèt e dins la counsideracioun de tóuti li diferènci.
-Vaqui perqué, valènt roumiéu, apassiouna pèr aqueste prougrès, apassiouna pèr aquelo reviéudanço de nòsti foundamento, se ramentan qu’es eici à Sant-Roumié lou 9 de setèmbre 1868, que Mistral, aculissènt li catalan, a prounouncia sa celèbro e ardènto dicho couneigudo pèr soun titre revendicatiéu: “Ço que voulèn”.
-Frederi Mistral em’aquelo dicho avié en quàuqui fraso retra la graveta de la situacioun e espremi l’amplour di revendicacioun en coumandant de pas rougi e d’èstre fièr.
-Es dounc sènso rougi e fièr que vuei à Sant-Roumié cènt-quaranto-cinq an après, lou Felibrige vòu rapela li paraulo dóu Mèstre ‘mé lou vot pregound que si voulounta siegon enfin entendudo, que devengon uno realita de la vido publico en Franço.
-Mai, de dela lou remèmbre, nous fau dire à noste biais ço qu’esperan de l’aveni. D’efèt avèn pas de nous espremi coume s’espremissié Mistral, nous defauton sa naturalo superioureta, soun evidènto poutènci. Noun, avèn pas nautre l’ande de Mistral pèr s’autourisa à l’imita. Alor, dins noste umelita davans la grandour dóu Mèstre, davans sa supremacìo d’esperit, noun poudèn retipa si paraulo, noun poudèn crida coume éu « ço que voulèn ».
-Avèn simplamen de s’ispira de soun eisèmple, de lou segui en fidèu disciple, de perlounga e de rèndre atualo soun arengo.
Auren dounc pas la croio à noste tour de larga un segound « ço que voulèn », mai dins si piado es de noste devé en 2013, de faire entèndre la voues mistralenco.
-À Sant-Roumié diren dounc tourna-mai nosto determinacioun unanimo de buta à la rodo pèr vèire capita lis aspiracioun mai que centenàri dóu Felibrige.
-L’atualita nous meno de demanda ferme :
– l’integracioun de l’ensignamen di lengo regiounalo dins la lèi d’óurientacioun e de prougramacioun pèr la refoundacioun de l’escolo de la Republico,
– la reformo coustituciounalo que permetra la ratificacioun de la charto éuroupenco di lengo regiounalo e la voutacioun d’uno veritablo lèi en favour di lengo de Franço,
– uno regiounalisacioun counformo i règlo felibrenco, valènt-à-dire la vertadiero regiounalisacioun tant esperado despièi mai d’un siècle e mié.
-Vuei que soun reviéure es de modo, voulèn pas que li regioun siegon vujado de ço que n’en fai lis elemen essenciau : soun istòri e tout ço que coustituïs soun èime particulié.
-Lou redisèn coume l’an di nòsti davancié, es dins li civilisacioun regiounalo qu’atrouban li founso e vertadiero resoun de crèire dins l’ome, es dins li civilisacioun regiounalo qu’atrouban l’esperanço nostro au cor de la nacioun franceso.
-Mistral encaro un cop vesié clar quouro clamavo : « devèn-ti pas nous garanti contro l’abus de l’unita, contro aquelo puissanço terriblo, demasiado, la centralisacioun, que nous vèn embasta, jusqu’au darrié vilage di Pirenèu e di Ceveno, noun soulamen si modo e soun uniformita, mai encaro si foulié, sa trufarié, soun cativié, aquelo centralisacioun que se vòu mescla de tout, que destruis nòsti coustumo, noste amour dóu terraire, nòstis estacamen i causo envirounanto, e que copo lou nèrvi dóu testardige patriau ».
-Aculissènt lou Mèstre en 1913, lou Maire de z-Ais disié : « Bèu tèms passa !… Lou roulèu de l’unifournita avié pancaro fa dei terro de Franço uno grando iero, lou tiro-sang de la centralisacioun s’èro pancaro engourga de nouestis energìo ».
-Bèu tèms, quouro li conse resounavon ansin !
-Es pas un fum de tèsto de pensa en 2013 que se la soucieta a d’èstre cambiado, lou sara pèr lou biais de la culturo terradourenco, pèr sa presso en comte, pèr sa presso en counsideracioun, mai peréu lou sara pèr uno ourganisacioun perpensado e raciounalo di territòri. Que, malurousamen pounchejon lou risque de centralisa au nivèu regiounau, la tentacioun de mescla lis entita, lis especificita, lis identita dis encountrado, ço qu’anarié au contro de l’idèio felibrenco e degaiarié, avalirié la noucioun de païs que sèmpre a mena lou cous de la vido di vilo e di campagno.
-Après de siècle de centralisacioun à desmesuro, garden-nous d’uno reformo qu’escarnirié enca ‘n pau mai li countour e lou tresor de nòsti relarg.
-Lou Felibrige a toujour apara la qualita umano de la civilisacioun miejournalo. Aquel umanisme pacientamen fatura, lou vòu faire coumprendre, espandi e triounfla.
-Es tèms de vèire autramen, de parla enfin de qualita pulèu que de rendableta e de proufié.
-Voudrian vuei èstre coumprés pèr ço que voulèn basti, voudrian que s’entènde claramen à Paris la dicho mistralenco dóu 9 de setèmbre 1868, voudrian que s’entènde à Paris la voues d’un Felibrige viéu, atuau e sèmpre determina.
-Vo, lou Felibrige mai-que-mai a de se faire ausi dins lou proujèt di reneissènço regiounalo, mai peréu a de se faire ausi dins tóuti li doumaine, dins tóuti li mitan, dins tóuti li capello quinto que siegon.
L’idèio felibrenco a l’ambicioun de countribuï à la councòrdi soucialo, avèn nautre, tóuti li jour, lou pregound devé de l’apara, de l’enaura, de l’espandi.
-Pèr viéure, li regioun an de teni comte de tóuti li doumaine de l’ativeta regiounalo segur, mai pèr viéure armouniousamen, emé sèn e judice an besoun de se retrouva au pu founs de sa semblanço, dins ço que coungreio de naturo, dins ço qu’espremis à la bellesso la counsciènci couleitivo d’un pople : soun noum e sa lengo, que porton uno culturo e uno civilisacioun.
-Car Felibre, counèisse soun racinun meno à-n-un umanisme dubert, à mai de souciableta, à mai de fraternita. Pèr avera aquelo couneissènço, pèr viéure aqueste drudige, avèn besoun dis ome, de tóuti lis ome, voudrian talamen que tóuti seguiguèsson noste dire.
-Malurousamen avèn pas que d’ami. Lou jacoubinisme noun falis, fai flòri dins li rèng franchimand. I’a que de legi li coumentàri verinous que s’escrivon dins la prèsso tre que se parle de lengo regiounalo e que nous traton d’anti-patrioto.
-I’a pièi tóuti aquéli que voudrien nous empacha de remembra la glòri de nòstis óurigino, nous empacha d’èstre fièr de ço qu’èron nòstis àvi, que vèson lou separatisme dins nòstis acioun.
-Aquéli soun d’ignourènt que ié defauton lou sabé, e lis àuti jouïssènço.
Èstre felibre, acò ’s un dre que jamai degun nous poudra leva, èstre felibre nous fai libre e fort, èstre felibre fai adouba d’à cha pau lou levame dóu reviéure, èstre felibre es basti lou bàrri que rebuto l’aplanaire pèr trachi dins la dignita e la sabènço.
-L’idèio dóu Felibrige es foro dóu tèms, sèmpre virado de-vers l’aveni, enauro de-longo li valour umano. Foundado sus li noucioun de respèt e de prougrès, respond is aspiracioun dóu pople miejournau, segur, mai tambèn is aspiracioun de tóuti li pople. Lou Felibrige es uno responso i mau dóu mounde d’aro que nous rousigon : l’intransigènci, lis eicès, l’arrouganço, lou mesprés, lou proufié, l’indiferènci, es un apèu à l’equilibre de la soucieta, à la justiço, à la counsideracioun, au partage. Tout soun envanc es pasta d’un umanisme prefouns, es pasta dis àuti valour que sèmpre an farga la soucialisacioun dis ome.
-An bèu faire d’envencioun fau que la terro se boulegue, emai que li modo de vido e de pensado, que li mentalita cambion (sufis de segui l’atualita), aquelo citacioun mistralenco caup toujour soun sèns, s’asato eisa au tèms de vuei. Se poudrié interpreta ansin : La teinicita noun lèvo pas lou sentimen d’apartenènci.
-D’abouminàblis envencioun dóu siècle vint-e-unen, trop de desmesuro, trop de pratico avalisson li marco majo, lis elemen rudimentàri de la civilisacioun e de cop, li foundamento memo de la vido. Arribo que lou prougrès se mudo en contre-prougrès. Tout ço qu’es foro resoun es un dangié.
-La clau s’atrobo dins la counsciènci, la prefoundo counsciènci de l’èstre. Es aquelo counsciènci que lou Felibrige despièi cènt-cinquanto nòuv an, assajo d’enaura à bèl èime. Es aquelo counsciènci que lou fai ana fort e dre, es aquelo counsciènci que nous fai felibre, fièr e libre.
-Umble davans la naturo, clar-vesènt davans lis inouvacioun, tenèn noste role, tenèn l’empento, fasèn fruteja l’eiretage dins l’amiro de descurbi l’Ideau, de counèisse un jour un mounde meiour e plus juste.
Auboure la Coupo à la Vilo de Sant-Roumié e au triounfle de la grando esperanço felibrenco.
-Auboure la Coupo à l’enavans di fort !
Jaque MOUTTET
_Capoulié dóu Felibrige
-Santo-Estello de Saint-Rémy-de-Provence
-Discours de la Coupe
-Lundi 20 mai 2013
Nous voici rassemblés dans cette antique cité de Saint-Rémy qui depuis les romains avec pour rempart les rochers des Alpilles, demeure un phare des terres d’oc. Saint-Rémy a donné les meilleures fleurs au Félibrige et je veux, en cette année 2013, saluer sa richesse, lui rendre hommage. Au nom de tous je remercie Monsieur le Maire et le Conseil municipal de Saint-Rémy d’avoir voulu nous recevoir, de nous faire bel accueil et de nous permettre ainsi, en célébrant les hauts souvenirs liés à la ville, d’enrichir notre énergie.
-Hommage donc à Saint-Rémy, pour ce qu’il représente de fort et de fier dans notre civilisation et aussi dans l’histoire félibréenne depuis Roumanille, jusqu’aux Jean Roche, Marie Mauron, Marcel Bonnet ou Charles Galtier. Notre énergie aujourd’hui se nourrit de leurs exemples et en cette année 2013 qui marque le centenaire du triomphe de Mistral à Aix ou de la visite que lui rendit le Président de la République, s’enveloppe d’une ferveur encore plus forte.
-C’est donc un élan mêlé de joie et d’espoir qui nous pousse à faire entendre la détermination du Félibrige, à faire briller encore plus les miroirs de notre culture.
-Certains diront certainement qu’il est inconvenant de parler de culture et surtout de culture régionale à une époque où la crise, le chômage et la violence sont au cœur des préoccupations. Mais, pas du tout, il ne s’agit pas seulement de culture, il s’agit d’une façon de vivre, d’un mode de société, d’une qualité de vie, il s’agit du mistralisme que nous voulons mettre au premier plan de l’actualité. Le mistralisme s’appuie sur le respect, le partage, la connaissance. Le mistralisme transforme l’indifférence pour les langues régionales, les habitudes de vie, les usages et les antiques libertés, en une passion féconde pour l’âme profonde des peuples, la littérature, l’étude et pour le développement du trésor précieux des civilisations.
-Le mistralisme c’est lutter contre l’effacement de tout ce qui constitue l’héritage forgé par les pères, c’est glorifier tout ce qui rattache l’homme à la terre.
-Le mistralisme est un principe, une théorie, un exemple de vie, c’est le courant d’action et de pensée du Maître. Le mistralisme c’est une lutte pacifique : œuvre, charge, devoir du Félibrige.
-Nous sommes, Félibres, serviteurs de cette grande idée, nous en sommes les meneurs infatigables. Ainsi, ce que nous espérons, ce que nous souhaitons, viendra de cette présence constante, empreinte de qualité, qui seule peut nous valoir les sympathies qui feront avancer un jour nos aspirations, nos revendications. De cette saine agitation, avec l’incitation à l’amour patriotique, peut et doit naître une rénovation de la société.
-Il faudra bien un jour que la France renonce à l’égocentrisme, il faudra bien un jour qu’elle tempère ses craintes par rapport à ses régions et qu’elle se rende compte qu’une autre vision, une autre organisation du pays est possible et qu’elle pourrait en tirer largement profit.
-L’uniformité, la pensée unique parisienne, la négation des langues et cultures régionales ne peuvent pas être le progrès. Nous proclamons, nous, que le progrès, la richesse et l’avenir se trouvent dans la diversité, dans le respect et dans la considération de toutes les différences.
-Voici pourquoi, vaillants pèlerins, passionnés par ce progrès, passionnés par cette remise à jour de nos fondations, nous nous rappelons qu’ici à Saint-Rémy, le 9 septembre 1868, Mistral accueillait les catalans, et qu’il prononçait son ardent et célèbre discours connu par son titre revendicatif : « Ce que nous voulons ».
-Frédéric Mistral, par ce discours, avait en quelques phrases dépeint la gravité de la situation et exprimé l’ampleur des revendications en commandant de ne pas rougir et d’être fier.
-C’est donc sans rougir et fiers qu’aujourd’hui à Saint-Rémy, cent quarante cinq ans plus tard, le Félibrige veut rappeler les paroles du Maître avec le vœu ardent que ses volontés soient enfin entendues, qu’elles deviennent une réalité de la vie publique en France.
-Mais par delà le souvenir, il nous faut dire à notre façon ce que nous espérons de l’avenir. En effet nous n’avons pas à nous exprimer comme s’exprimait Mistral, nous manque sa naturelle supériorité, son évidente autorité. Non, nous n’avons pas, nous, la facilité de Mistral pour nous autoriser à l’imiter. Alors, dans notre humilité devant la grandeur du Maître, devant sa suprématie d’esprit, nous ne pouvons reproduire ses paroles, nous ne pouvons comme lui crier « ce que nous voulons ».
-Nous n’avons simplement qu’à nous inspirer de son exemple, qu’à le suivre en disciple fidèle, qu’à prolonger et rendre actuelle son harangue.
Nous n’aurons donc pas l’orgueil à notre tour de déclamer un second « ce que nous voulons », mais dans ses pas il est de notre devoir en 2013, de faire entendre la voix mistralienne.
-A Saint-Rémy nous dirons donc à nouveau notre détermination unanime d’apporter nos efforts pour conduire au but les aspirations plus que centenaires du Félibrige.
-L’actualité nous pousse à demander fermement :
– L’intégration de l’enseignement des langues régionales dans la loi d’orientation et de programmation pour la refondation de l’Ecole de la République
– La réforme constitutionnelle qui permettra la ratification de la charte européenne des langues régionales et le vote d’une véritable loi en faveur des langues de France.
– Une régionalisation conforme aux idées félibréennes, c’est à dire la véritable régionalisation tant espérée depuis plus d’un siècle et demi.
Aujourd’hui alors que leur revitalisation est à la mode, nous ne voulons pas que les régions soient vidées de leurs éléments essentiels : leur histoire et tout ce qui constitue leur esprit particulier.
-Nous le redisons comme l’on dit nos prédécesseurs, c’est dans les civilisations régionales que nous trouvons les profondes et véritables raisons de croire en l’homme, c’est dans les civilisations regionales que nous trouvons notre espérance au cœur de la nation française.
-Mistral, une fois de plus, voyait clairement lorsqu’il proclamait : « Ne devons-nous pas nous garantir contre l’abus de l’unité, contre cette terrible puissance, irraisonnée, la centralisation, qui vient nous surcharger, jusque dans le plus lointain village des Pyrénées et des Cévennes, non seulement de ses modes et de son uniformité, mais encore de ses folies, de ses moqueries, de son mépris, cette centralisation qui veut se mêler de tout, qui détruit nos coûtumes, notre amour du terroir, nos attachements à notre environnement, et qui sectionne les liens avec la volonté têtue des anciens ».
-Accueillant le Maître en 1913, le Maire d’Aix disait : « Beaux jours anciens ! le rouleau de l’uniformité n’avait pas encore fait des terres de France une grande aire, la sangsue de la centralisation ne s’était pas encore engorgée de nos énergies ».
-Belle époque lorsque les maires raisonnaient ainsi !
-Ce n’est pas un phantasme que de penser en 2013 que si la société doit être changée, elle le sera au moyen des cultures territoriales, par leur prise en compte, par leur prise en considération, mais elle le sera aussi par une organisation réfléchie et rationnelle des territoires. Parce que, malheureusement, le risque se fait jour de centraliser au niveau régional, la tentation de mêler les entités, les spécificités, les identités des contrées, ce qui irait contre l’idée félibréenne et gâterait, supprimerait, la notion de pays qui depuis toujours a gouverné le cours de la vie des villes et des campagnes.
-Après des siècles de centralisation sans limites, gardons-nous d’une réforme qui attaquerait encore un peu plus les contours et les trésors de nos contrées.
-Le Félibrige a toujours défendu la qualité humaine de la civilisation méridionnale. Cet humanisme patiemment cultivé il veut le faire comprendre, le répandre et le faire triompher.
-Il est temps de voir autrement, de parler enfin de qualité plutôt que de rentabilité et de profit. Nous voudrions aujourd’hui être compris pour ce que nous voulons bâtir, nous voudrions qu’on entende clairement à Paris le discours mistralien du 9 septembre 1868, nous voudrions qu’on entende à Paris la voix d’un Félibrige vivant, actuel et toujours déterminé.
-Oui, le Félibrige, absolument, doit se faire entendre dans le projet de renaissance régionale, mais aussi il doit se faire entendre dans tous les domaines, dans tous les milieux, dans toutes les chapelles quelles qu’elles soient.
-L’idée félibréenne a l’ambiton de contribuer à la concorde sociale, nous avons, nous, tous les jours, le précieux devoir de la défendre, de la grandir, de la promouvoir.
-Pour vivre, les régions doivent bien sûr tenir compte de tous les domaines de l’activité régionale, mais pour vivre harmonieusement, avec bons sens et jugement, elles ont besoin de se retrouver au plus profond de leur personnalité, dans ce que forme la nature, dans ce qui exprime bellement la conscience collective d’un peuple : son nom et sa langue, qui portent une culture et une civilisation.
-Chers félibres, connaître ses racines conduit à un humanisme ouvert, à plus de sociabilité, à plus de fraternité. Pour atteindre cette connaissance, pour vivre cette richesse, nous avons besoin des hommes, de tous les hommes, nous voudrions tellement que tous suivent nos paroles.
-Malheureusement nous n’avons pas que des amis. Le jacobinisme ne baisse pas les bras, il fait merveille dans les rangs franco-français. Il n’y a qu’à lire les commentaires venimeux qu’on écrit dans la presse dès qu’on parle de langues régionales et on nous traite d’anti-patriotes.
Et puis il y a tous ceux qui voudraient nous empêcher de rappeler la gloire de nos origines, nous empêcher d’être firrs de ce qu’étaient nos aïeux, qui voient le séparatisme dans nos actions. Ceux-là sont des ignorants auxquels manque la Connaissance, et les hautes jouissances.
Être Félibre, c’est un droit que jamais personne ne pourra nous ôter, être félibre nous fait libre et fort, être félibre fait préparer petit à petit le levain du renaître, être félibre c’est bâtir le rempart qui décourage le niveleur pour croître dans la dignité et le savoir.
-L’idée du Félibrige est intemporelle, toujours tournée vers l’avenir, elle élève sans cesse la valeur humaine. Fondée sur les notions de respect et de progrès, elle répond aux aspirations du peuple méridionnal sans doute, mais aussi aux aspirations de tous les peuples. Le Félibrige est une réponse aux maux du monde actuel qui nous rongent : l’intransigeance, les excès, l’arrogance, le mépris, le profit, l’indifférence, c’est un appel à l’équilibre de la société, à la justice, à la considération, au partage. Tout son élan est pétri d’un profond humanisme, il est pétri des hautes valeurs qui ont toujours forgé la socialisation des hommes.
« On a beau faire des inventions, il faut remuer la terre », bien que les modes de vie et de pensée, que les mentalités, changent (il suffit de suivre l’actualité), cette citation de Mistral contient toujours son sens, elle s’adapte parfaitement à notre époque. On pourrait ainsi l’interpréter :
-Les techniques ne nous enlèvent pas le sentiment d’appartenance.
D’abominables inventions du vingt-et-unième siècle, trop de démesure, trop de façons de faire effacent les repères majeurs, les éléments premiers de la civilisation et quelquefois les fondements même de la vie. Il arrive que le progrès se transforme en contre-progrès. Tout ce qui est hors de la raison est un danger.
-La clé se trouve dans la conscience, la profonde conscience de l’être. C’est cette conscience que le Félibrige depuis cent-cinquante neuf ans, essaie d’élever de son mieux. C’est cette conscience qui nous fait Félibre, fier et libre.
-Humbles face à la nature, lucides devant les innovations, nous tenons notre rôle, nous tenons le cap, faisons fructifier l’héritage dans la perspective de parvenir à l’Idéal, de connaître un jour un monde meilleur et plus juste.
-J’élève la Coupe à la ville de Saint-Rémy et au triomphe de la grande espérance félibréenne.
-J’élève la Coupe à l’énergie des forts.
