Librejado

Librejado
FELIBRIGE 8 bis avenue Jules Ferry 13100 Aix-en-Provence 04 42 27 16 48
FESTEJO SI 10 AN !
La Librejado
Ais, lou 31 d’avoust 2022
Is escrivan de Prouvènço
Cars ami,
À l’iniciativo dóu rèire-capoulié Jaque Mouttet, lou Felibrige prepauso, dempièi aro dès an,
uno Librejado, que sa toco es, pèr lou publi, de i’óufri la mai bello veirino de l’escrit atuau en
lengo nostro e, pèr lis escrivan, d’escambia emé si leitour.
S’agis de bèn moustra en tóuti que l’escrituro prouvençalo es vivo, atualo, que lis autour
countempouran entre-tènon uno literaturo sèmpre drudo.
Óugan, aquéu desen rescontre de Librejado, se debanara lou dissate 1é d’óutobre 2022, au
castèu de Tres (13). Sara embessouna emé lou 28en « Salon des écrivains de Provence »
ourganisa pèr la vilo de Tres.
Durbira si porto de 10 ouro à miejour e de 2 ouro à 6 ouro de vèspre.
Dins un soucit de bono ourganisacioun, fai mestié de remanda lou buletin d’iscripcioun lou pu
lèu poussible – e de tout biais avans lou 20 de setèmbre 2022, au baile dóu Felibrige :
Pierre Imbert
12 Imp. des Jardins d’Elise, 83210 Solliès-Pont

.
Lou pargue d’estaciounamen dóu coulège Les Hauts de l’Arc es counseia.
En souvetant de vous retrouba à Tres pèr presenta, vèndre e dedica vòstis oubrage dóu tèms
d’aquelo Librejado dóu dissate 1é d’óutobre 2022, vous asseguran de nòsti sentimen bèn
courau.
Paulin REYNARD
Capoulié dóu Felibrige
Sabino MISTRAL
Sendi de la Mantenènço de Prouvènço
festejo si 10 an !

Cet article a été publié par

Agenda

< 2022 >
Septembre
LMMJVSD
   1234
567891011
12131415161718
19202122232425
2627282930  
© Le Felibrige Tous Droits réservés | Réalisation Dream Media® 2016 - Mentions légales et crédits