Laus de Carle Roure pèr Alan Costantini cliquer ici
Counsistòri dóu dissate 22 de nouvèmbre 2014
à Sebasac-Concourès (Aveiroun)
Lou Capoulié au noum de tóuti, souvèto la bèn-vengudo au Majourau Gui Chaptal e au Majourau Alan Costantini elegi à la Santo-Estello d’Aigo-Morto en ramplaçamen dóu Majourau Lucian Laporte e dóu Majourau Carle Roure.
En tóuti dous, ié dis touto sa joio de li vèire prendre plaço au sen dóu Counsistòri e ramento :
« – que lou Majourau Alan Costantini es nacu en Aurenjo. Es atualamen souto-sendi de la Mantenènço de Prouvènço, cabiscòu de l’Escolo dóu Cièri, cabiscòu dóu Flourege e presidènt de la soucieta istourico Les Amis d’Orange, fuguè antan cabiscòu de la Pervenquiero de Paris. Alan Costantini es un flame counferencié e un flame ensignaire de prouvençau, l’a moustra vint-cinq o trento an de tèms à Paris quouro ié travaiavo e à Aurenjo despièi qu’es à la retirado, es pièi e encaro un fidèu coulabouradou de l’Armana Prouvençau ».