96 anniversaire de la mort de Frédéric Mistral

 

96 anniversaire de la mort de Frédéric Mistral le 25 mars 2010

Lou 25 de mars 2010 s’es rendu à Maiano l’oumenage annau à Frederi Mistral. Fidelamen, coume despièi 1919 la Nacioun Gardiano pèr la voues de soun Capitàni a saluda lou Mèstre :

Cinq an après la despartido de Frederi Mistral Folco de Baroncelli marqués de Javoun demandè à Dono Frederi Mistral la permessioun de rendre un oumenage lou 25 de mars sus lou cros dóu Mèstre en pausant uno courouno de saladello. La demando fuguè acetado e despièi, cade an lou jour anniversàri dóu 25 de mars, sènso fali, sènso manca un cop, lou Capitàni de la Nacioun Gardiano renouvello lou meme gèst, dóu meme biais (courouno, saladello, ficheiroun, gardian) just e just parieramen que dóu tèms de Folco de Baroncelli.

Comme chaque année, la mort de Frédéric Mistral fut commémoré ce mercredi 25 mars à Maillane. Après un office religieux en l’église paroissiale, un cortège conduit par les cavaliers de la Nacioun Gardiano se rendit au cimetière. Devant le tombeau le Père Michel Desplanches lut le de-profundis, l’hommage de la Nacioun Gardiano fut rendu par le Capitaire Guy Chaptal et le Majoral Serge Bec déclama magnifiquement Moun Toumbèu. Enfin, le Capoulié du Félibrige prononça le discours ci-après :

Après l’an que dins lou mounde de vuei brihè di rebat de Mirèio, nosto presènci eici a que mai de significacioun. Nosto presènci en n-un salut respetous, recordo nosto recouneissènço, nosto veneracioun. Nosto presènci afourtis nosto fidelita au clar sourgènt, Mèstre, de vòsti pensado, à la sorgo lindo de voste poudé que nous endrudis e que nous porto.
-Ié pescan à bèl èime la forço que nous fai tant besoun, l’envanc necite à nosto toco emai l’auto aspiracioun d’afreira tóuti lis ome que se reclamon de vous.
-Prenènt miro sus vòstis ate e de voste estè, lou Felibrige, tóuti li jour s’esforço d’óuteni uno escouto siavo e bèn-voulènto fin que tóuti pèr tant aliuencha que siegon, viron subran si pas vers lou vertadié rampèu mistralen.
-La dóutrino mistralenco es touto de clarta, d’uno clarta que rejouïs, qu’unis, que pounchouno, qu’adraio à la coumprenesoun, que buto à l’èime e au judice.
-Vaqui perqué davans vous Mèstre, mi paraulo voudrien èstre aquéli dóu sèn.
-En counmemourant fidelamen vosto despartido, vous rendèn gràci, mantenèn vivo l’inmenseta de ço que vous devèn, asseguran la perpetuacioun de vosto obro, de voste engèni, de vosto aureolo.
Mistral qu’a endrudi noste bèn, qu’a baia uno counsciènci à nòsti terraire, qu’a de-longo clama la necessita dóu regiounalisme, menè acò’s tout vist, à quàuqui màigri vitòri que soun vuei amenaçado pèr la reformo que s’anouncìo e que risco de nega cènt-cinquanto an de prougrès.
-Dins l’espèro dóu bourroulis anouncia, es-ti que li Counsèu Regiounau que venènt d’elegi auran lou fege de faire triounfla li revendicacioun nostro espremido recentamen pèr carriero. Es-ti que saran proun fort e voulountous pèr faire gagna li principe regiounalisto que vison à counsidera li valour vertadiero e prefoundo d’uno terro, d’un espàci.
Es-ti que tout de long di quatre an venènt eiserçaran tout soun poudé pèr faire respeta e defèndre noste patrimòni materiau, inmateriau e mourau, es-ti qu’enauraran lou sentimen patriau, es-ti que butaran à l’ensignamen de l’istòri e di lengo regiounalo. N’en doutan, ai ! las, de trop.
-Aquéli pensamen nous menon, l’an di sieissanto an de sa despartido, à nous rapela l’auto memòri de Jousé d’Arbaud. D’Arbaud, lou bèu disciple dóu Mèstre qu’empurè magnificamen l’idèio di liberta terradourenco e dóu regiounalisme. Pèr d’Arbaud, lou fau-ti ramenta, mistralisme, dóutrino regiounalisto e felibrenco fasien qu’un, èro sa resoun, soun secuge. Pèr éu l’enemi maje èro lou poudé centralisaire que que siegue e d’ounte que vengue. D’Arbaud fuguè tambèn un precursour, fai plesi de lou ramenta en 2010, fuguè un aparaire de la naturo avans l’ouro.
Li counvicioun d’un Jóusè d’Arbaud an vuei de faire signau. Si visto, soun obro, soun ensignamen, si leiçoun counvidon à lou segui dins l’eisèmple preclar de soulidarita entre lis ome, entre fraire, entre li pople, emai dins la rego de soun ativeta de proupagandisto miejournau, de journalisto au service de la Causo e di Liberta prouvençalo qu’espremissié à la belesso.
-Richo d’esperanço, de fe e d’anavans, en trevant l’obro inmenso d’un Mistral, d’un d’Arbaud, (l’obro literàri, l’obro filousoufico e l’obro militanto), déurié giscla de noste cor la lus e la voulounta que de cop nous mancon emai l’aspiracioun à entrevèire de jour souleious.
Davans lou cros de Frederi Mistral e dins la souvenènço de Jóusè d’Arbaud, poscon nòstis ambicioun èstre aubourado.
-Vaqui li resoun de noste roumavage perpetuau, de noste oumenage pious.

Jaque MOUTTET
-Capoulié dóu Felibrige

Cet article a été publié par

Agenda

< 2022 >
Mai
LMMJVSD
      1
2345678
9101112131415
16171819202122
23242526272829
3031     
© Le Felibrige Tous Droits réservés | Réalisation Dream Media® 2016 - Mentions légales et crédits