Despièi lou 17 d’avoust de 2025 li coumuno de Dieuze, Bidestroff e Vergaville soun devengudo óuficialamen Sòci dóu Felibrige.
Rampèu istouri
Mai avans que de vous counta lou perqué e lou coume d’aquelo nouminacioun, fasèn ensèn uno pichoto chamado istourico pèr noun óublida :
Lou 2 d’avoust de 1914, lou Presidènt de la Republico Ramoun Poincaré decreto la moubilisacioun generalo. D’en pertout en Franço e dins li Coulounìo, li Regioun militàri moubilison lis ome valide pèr coustitui li Cors d’Armado.
Pèr nosto regioun, de l’Ardecho à la Corso e di Bouco-dóu-Rose is Aup-Maritime, en passant pèr lou Gard, la Quingenco Regioun militàri moubiliso li 40000 ome pèr fin de fourma lou Cors Quingen.
Restaca à la 2° Armado beilejado pèr lou Generau de Castelnau i coustat dóu Cors Segen de Mount-Pelié e dóu Cors Vinten de Nancy, lou Cors Quingen rejoun la Lourreno, sènso ges de preparacioun, e es engaja tre lou 10 d’avoust à Lagarde, vilajoun à la frountiero alemando, pièi lou 14 à Coincourt e à Moncourt. Ié subis adeja de perdo sensiblo.
Lou 19 d’avoust s’emparo de Dieuze pièi de Bidestroff e Vergaville. L’endeman 20 d’avoust à la primo aubo, lis Alemand bandisson uno contro-óufensivo terriblo emé mai que mai de troupo fresco aguènt uno perfèto couneissènço dóu terren e sousta pèr uno artiharié lourdo preciso que-noun-sai. Es un vertadié chaple dins li rèng di 3 Cors de la 2° Armado, que coustren lou generau de Castelnau à ourdouna la retirado generalo de soun armado.
Dins soun raport au menistre de la Guerro Adóufe Messimy, lou Generalissime Joffre acuso lou Cors XVen de lacheta e lou rènd respounsable de la desfacho en Lourreno. Lou menistre demando à soun ami, lou Senatour Auguste Gervais, de redegi un article assassin sus l’orre coumpourtamen di troupo dóu Cors XVen, article que pareira dins lou quoutidian « Le Matin » dóu 25 d’avoust de 1914.
L’espelido d’aquel article aura, fin qu’à la fin de la guerro, de lòurdi counsequènci subre li sóudat miejournau que saran ensali, priva de suen e, de fes, fusiha pèr l’eisèmple just pèr ço qu’èron dóu XVen Cors.
Après-guerro, d’óumage saran rendu i sóudat miejournau e de mounumen eregi en soun ounour coume à Bidestroff, Vergaville vo Vassincourt.
Li liame qu’unisson desenant li coumuno mousellano e lou Felibrige.
2015
En óutobre 2015, dins lou cadre dóu centenàri de la debuto de la Grando Guerro, lou rèire Capoulié En Jaque Mouttet, decido d’ourganisa uno meno de roumavage en Lourreno. Uno cinquanteno de Felibre, e si coujoun, soun dóu viage.
Sian aculi em’estrambord e bèn-voulènci pèr li elegi e la poupulacioun de Vergaville e Bidestroff. Pensas, èro lou proumié cop en cènt an qu’un group coustituï de Prouvençau venié rèndre oumenage à-n-aquéli drole de Prouvènço, toumba pèr la Patrìo sus aquéli prat-bataié !
Sarié trop long de vous descriéure, aqui, aquelo journado de ceremòni, d’autant miés que lou viage en Lourreno es fort bèn counta dins l’article « Lou viage en Lourreno en oumenage dóu Cors Quingen », pareigu dins « La Revisto » numerò 291 de nouvèmbre – desèmbre 2015, pajo 4 à 10.
De segur, es qu’aquest viage venié de nousa li liame prefound dintre aquéli coumuno e lou Felibrige.
2016
L’annado seguènto, lou Felibrige recebié uno counvidacioun óuficialo pèr assista i ceremòni à Vergaville e Bidestroff, en avoust 2016. Aquéli ceremòni soun ourganisado cade an, lou dimènche lou mai proche di dato de la bataio de Dieuze li 19 e 20 d’avoust.
Soulet representant dóu Felibrige presènt en Lourreno en aquelo annado, mesure l’ounour que m’es esta fa de depausa, en soun noum, li garbo i pèd di mounumen e d’entouna « La Coupo » fàci au mounumen de la Necroupòli de Vergaville.
2018
Li ceremòni d’avoust 2018 revestissien un caratère especiau. D’efèt la municipalita e lou Souveni Francés de Vergaville avien decida de rebateja la routo despartamentalo, que passo davans la Necroupòli Naciuonalo, « Chemin du XVème Corps » e d’eregi à l’intrado de la Necroupòli un pieloun escrincela « 1914-1918 En mémoire des soldats du XVème Corps tombés au Champ d’honneur lors de la bataille de Vergaville les 19 et 20 août 1914″.
Vous counvide à retrouba lou rendu-comte d’aquelo journado de la Majouralo Glaudeto Occelli-Sadaillan, dins lou numerò 309 de « La Revisto » de nouvèmbre – desèmbre 2018, pajo 15-16.
Coume aro es de tradicioun, tóuti li Felibre e Prouvençau presènt se soun recampa davans l’estatuo de la Necroupòli Naciounalo pèr entouna « La Coupo » fàci i noumbrous Lourren que nous escoutavon emé respèt, partejant ansin la soulennita que demando noste inne.
La taulejado servido pièi dins la salo municipalo a permés d’estaca encaro mai li liame entre Lourren e Prouvençau.
2022
Cinq an de tèms lou Souveni Francés de Dieuze-Bidestroff, souto la presidènci de Felipe Mougdon, a restaura lou mounumen de Sant-Miquéu à Bidestroff. La ceremòni d’inaguracioun dóu mounumen restaura s’es debanado lou 21 d’avoust de 2022.
Lou Capoulié En Paulin Reynard tout bèu-just elegi à la Santo-Estello d’Arle au mes de jun, a pas pouscu faire lou desplaçamen en Lourreno e es lou Majourau Alan Costantini que lou representè, enmenant uno delegacioun coumpausado de la Majouralo Glaudeto Occelli-Sadaillan, cargant sèmpre lou vièsti prouvençau, di Majourau Miquéu Benedetto e Jan-Louvis Caserio, ansin que voste servitour e di counjoun.
Lou Majourau Alan Costantini a relata aquelo journado ceremouniouso dins lou numerò 332 de La Revisto pajo 28-29 e que noun saupriéu que trop vous recoumanda de (re)legi.
Coume de tradicioun, à la fin de la ceremòni de Vergaville, se sian recampa, Felibre, famiho e Prouvençau presènt pèr canta La Coupo, acoumpagna pèr lou Majourau Miquéu Benedetto qu’avié revesti soun coustume de tambourinaire.
Dóu tèms de la taulejado, la Majouralo Glaudeto Occelli-Sadaillan a prepausa i conse di tres coumuno mousellano de deveni « Ciéuta Mistralenco ». Ai-las li coundicioun fissado pèr la Charto permeton pas à-n-aquéli coumuno d’èstre elegiblo.
2024
Qu’enchau, la Majouralo prepauso alor au Counsistòri à la Santo-Estello de Scèus, d’elegi « Sòci dóu Felibrige » nòsti tres coumuno lourrenco. Lou Counsitòri e lou Counsèu generau an aceta, à la quàsi unanimeta.
2025
Es ansin que despièi lou 17 d’avoust 2025, Dieuze, Bidestroff e Vergaville soun óuficialamen « Vilo Sòci dóu Felibrige » e li placo desvelado pèr lou Capoulié En Paulin Reynard, la Rèino Camiho, la Majouralo Glaudeto Occelli-Sadaillan, lou maire de Bidestrof Ervé Bellot, lou proumier ajoun de Vergaville Daniè Bazard, lou maire de Dieuze Jirome Lang, dins si coumuno respetivo, lou Presidènt dóu Souveni Francés de Dieuze-Bidestroff Felipe Mougdon e lou de Vergaville Glaude Thilique.
Mai vous laisse legi l’article de la Cigalo d’Irlando sus aquéli journado counmemourativo di 16 e 17 d’avoust 2025, dins La Revisto numerò 344, pajo 14, 15 e 16.
Dieuze, Bidestroff, Vergaville e lou Felibrige soun desenant à jamai liga pèr aquest liame eternau. Lou titre de « Vilo Sòci dòu Felibrige » fai d’aquelo Terro de Mousello, ounte repauson, vuei encaro, de milié de sóudat miejournau despareigu, un brèu de Terro de Prouvènço.
Óumage à noste rèire Capoulié En Jaque Mouttet d’avé, i’a dès an d’aqui, au noum dóu Felibrige e de Prouvènço, rendu soun Ounour à nòsti sóudat dóu Cors Quingen e d’avé establi lou liame d’emé nòstis ami Lourren que li counmemouron chasco annado.
Pèire Virion
Mèstre d’Obro
COMMUNES MOSELLANES SÒCI DÓU FÉLIBRIGE
Depuis le 17 août 2025 les communes de Dieuze, Vergaville et Bidestroff sont devenues officiellement Sòci dóu Felibrige.
Rappel historique
Mais avant de vous raconter le pourquoi et le comment de cette nomination, faisons ensemble un petit rappel historique :
Le 2 août 1914 le Président de la République Raymond Poincaré décrète la mobilisation générale. Partout en France et dans les Colonies, les régions militaires mobilisent les hommes aptes au combat pour constituer les Corps d’Armées.
Pour notre région, de l’Ardèche à la Corse et des Bouches-du-Rhône aux Alpes-Maritimes, en passant par le Gard, la Quinzième Région militaire mobilise 40 000 hommes afin de former le Quinzième Corps.
Rattaché à la 2° Armée commandée par le Général de Castelnau aux côtés du XVI° Corps de Montpellier et du XX° de Nancy, le XV° Corps rejoint la Lorraine, sans aucune préparation, et est engagé dès le 10 août à Lagarde, petit village à la frontière allemande, puis le 14 août à Coincourt et à Moncourt. Il y subit déjà des pertes sensibles.
Le 19 août il s’empare de Dieuze puis de Bidestroff et Vergaville. Le lendemain 20 août à l’aube, les Allemands lancent une contre-offensive terrible avec des troupes fraiches ayant une connaissance parfaite du terrain et appuyés par une artillerie lourde extrêmement précise. C’est un véritable massacre dans les rangs des 3 Corps de la 2° Armée, qui contraint de Castelnau à ordonner le repli général de son Armée.
Dans son rapport au ministre de la Guerre Adolphe Messimy, le Généralissime Joffre accuse le XV° Corps de lâcheté et le rend responsable de la défaite en Lorraine. Le ministre demande à son ami le Sénateur Auguste Gervais de rédiger un article assassin sur l’odieux comportement des troupes du XV° Corps, article qui paraîtra dans le quotidien « Le Matin » du 25 août 1914.
La parution de cet article aura jusqu’à la fin de la guerre de lourdes conséquences sur les soldats méridionaux qui seront insultés, privés de soins et parfois fusillés pour l’exemple par le seul fait d’appartenir au XV° Corps.
Après-guerre, des hommages seront rendus aux soldats méridionaux et des monuments érigés en leur honneur comme à Bidestroff, Vergaville ou Vassincourt.
Les liens qui unissent désormais les communes mosellanes et le Félibrige.
2015
En octobre 2015, dans le cadre du centenaire du début de la Grande Guerre, l’ancien Capoulié Jacques Mouttet décide d’organiser une sorte de pèlerinage en Lorraine. Une cinquantaine de Félibres et leurs conjoints sont du voyage.
Nous sommes accueillis avec enthousiasme et bienveillance par les élus et la population de Vergaville et Bidestroff. Pensez, c’était la première fois en cent ans qu’un groupe constitué de Provençaux venait rendre hommage à ces fils de Provence, tombés sur ces champs de bataille.
Il serait trop long de vous décrire ici cette journée de cérémonies d’autant que le voyage en Lorraine est fort bien raconté dans l’article « Lou viage en Lourreno en oumenage dóu Cors Quingen », paru dans « La Revisto » numéro 291 de novembre – décembre 2015, pages 4 à 10.
Ce qui est sûr c’est que ce voyage venait de nouer les liens profonds entre ces communes et le Félibrige.
2016
L’année suivante le Félibrige recevait une invitation officielle pour assister aux cérémonies à Vergaville et Bidestroff, en août 2016. Ces cérémonies sont organisées chaque année le dimanche le plus proche des dates de la bataille de Dieuze les 19 et 20 août 1914.
Seul représentant du Félibrige présent en Lorraine cette année-là, je mesure l’honneur qui m’a été fait de déposer, en son nom, les gerbes aux pieds des monuments et d’entonner La Coupo face au monument de la Nécropole de Vergaville.
2018
Les cérémonies d’août 2018, revêtaient un caractère spécial. En effet la municipalité et le Souvenir Français de Vergaville avaient décider de rebaptiser la route départementale qui passe devant la Nécropole Nationale en « Chemin du XV° Corps » et d’ériger à l’entrée de la Nécropole une stèle gravée « 1914-1918 En mémoire des soldats du XV° Corps tombés au Champ d’honneur lors de la bataille de Vergaville les 19 et 20 août 1914 ».
Je vous invite à retrouver le compte-rendu de cette journée de la Majorale Claudette Oscelli-Sadaillan, dans le numéro 309 de « La Revisto » de novembre – décembre 2018, pages 15-16.
Comme il est désormais de tradition, tous les Félibres et Provençaux présents se sont regroupés devant la statue de la Nécropole Nationale pour entonner « La Coupo » face aux nombreux Lorrains qui écoutaient avec respect partageant ainsi la solennité que demande notre hymne.
Le banquet servi ensuite dans la salle municipale a permis de resserrer encore plus les liens entre Lorrains et Provençaux.
2022
Durant 5 ans le Souvenir Français de Dieuze-Bidestroff, sous la présidence de Philippe Mougdon, a restauré le monument de Saint-Michel à Bidestroff. La cérémonie d’inauguration du monument restauré eu lieu le 21 août 2022.
Le Capoulié Paulin Reynard, tout juste élu à la Sainte-Estelle d’Arles au mois de juin, n’a pu faire le déplacement en Lorraine et c’est le Majoral Alain Costantini qui le représentait emmenant une délégation composée de la Majorale Claudette Oscelli-Sadaillan, des Majoraux Michel Benedetto et Jean-Louis Caserio, ainsi que de votre serviteur et des conjoints.
Le Majoral Alain Costantini a relaté cette journée cérémonieuse dans le numéro 332 de La Revisto pages 28-29, et dont je ne saurais que trop vous recommander de (re)lire.
Comme de tradition à la fin de la cérémonie de Vergaville, nous nous sommes regroupés, Félibres, familles et Provençaux présents, pour chanter La Coupo, accompagné par le Majoral Michel Benedetto qui avait revêtu son costume de tambourinaire.
Durant le banquet, la Majorale Claudette Oscelli-Sadaillan a proposé aux maires des trois communes mosellanes de devenir « Cité Mistralienne ». Hélas les conditions fixées par la Charte ne permettent pas à ces communes d’être éligibles.
2024
Qu’importe, la Majorale propose au consistoire lors de la Sainte-Estelle de Sceaux, d’élire « Sòci dóu Felibrige » nos trois communes lorraines. Le consistoire et le Conseil général ont accepté, à la quasi-unanimité.
2025
C’est ainsi que depuis le 17 août 2025, Dieuze, Bidestroff et Vergaville sont officiellement « Sòci dóu Felibrige » et les plaques dévoilées par le Capoulié Paulin Reynard, la Reine Camille, la Majorale Claudette Oscelli-Sadaillan, le maire de Bidestroff Hervé Bellot, le premier adjoint de Vergaville Daniel Bazard, le maire de Dieuze Jerôme Lang, dans leurs communes respectives, le Président du Souvenir Français de Dieuze-Bidestroff Philippe Mougdon et celui de Vergaville Claude Thilique.
Mais je vous laisse lire l’article de la Cigale d’Irlande sur ces journées commémoratives des 16 et 17 août 2025, dans La Revisto numéro 344.
Dieuze, Bidestroff, Vergaville et le Félibrige sont désormais à jamais liés par ce lien éternel. Le titre de « Ville Sòci dóu Felibrige » fait de cette Terre de Moselle, sous laquelle reposent, aujourd’hui encore, des milliers de soldats méridionaux disparus, un morceau de Terre de Provence.
Hommage à notre ancien Capoulié Jacques Mouttet d’avoir, il y a dix ans de cela, au nom du Félibrige et de la Provence, rendu son honneur à nos soldats du Quinzième Corps et d’avoir établi le lien avec nos amis Lorrains qui les commémorent chaque année.
Pierre Virion
Maître d’Œuvre
