Festenau de Santo-Estello
Coungrès dóu Felibrige
en vilo de Castihounés
dóu 21 de mai au 25 de mai 2010
an 156en dóu Felibrige
Es dins un rode di bèu, en valèio dóu Drot entre Olt e Dourdougno à la sousto di courniero de la bastido anfoussino de Castihounés, que festejè l’an passa si 750 an d’age, que se tendra la Santo-Estello 2010.
Brèu d’istòri : en 1249, pèr sucessioun, Anfos de Peitiéu, fraire de Louvis lou nouven (Sant-Louis), devèn comte de Toulouso e segnourejo à-n-aqueste titre sus l’Agenés. En aqueste mitan dóu siècle tregen, la valèio dóu Drot es au cor d’uno raro proun treblo que desseparo li terro d’enfluènci dóu comte de Toulouso e dóu du d’Aquitàni, rèi d’Anglo-Terro.
Anfos de Peitiéu, pèr la majo resoun d’asseta soun poudé dins li relarg que viron bèn pèr éu fàci au Perigord anglés, entameno alor uno poulitico de creacioun de vilo nouvello en Agenés. Après Vilo-Novo en 1253, Mounflanquin e Santo-Fe-la-Grando en 1256, Castihounés en 1259 es la quatrenco bastido que foundè. Seguiran pièi aquéli de Vilo-Franco de Perigord (1261), de Vilo-Reau (1267) e d’Eimet (1270). Li bastido vengudo en-rèire sara lou fa dis Anglés e la guerro de Cènt an n’en marcara la fin.
Un prougramo, di mai chanu alesti pèr li felibre de l’endré emé la preciouso e voulountouso coulabouracioun dóu Municipe de Castihounés vous espèro :
Prougramo
Divèndre 21 de mai 2010
De 9 ouro de matin à 6 ouro de sèr,
Salo de Carbonnier, plaço di Courniero, acuiènço di felibre.
3 ouro, plaço di Courniero
Espetacle douna pèr lis enfant dis escolo de Castihounés.
5 ouro, inaguracioun dis espousicioun :
Salo de Carbonnier, plaço di Courniero.
Pigeonniers et moulins, foutougrafìo de Glaude Costes.
Rebat dóu cènt-cinquantenàri de Mirèio.
Li Mantenènço dóu Felibrige.
Oustau coumunau, plaço di Courniero
Histoire de Castillonnès presentado pèr Dick Bogg.
En vilo dins d’ùni veirino di boutigo
Coustume tradiciounau de Guiano e de Perigord.
La Poste, balouard Anfos de Peitiéu
Perigord terro d’o.
6 ouro, côte des Fontaines,
Inaguracioun di panèu d’intrado de la vilo en lengo d’o.
6 ouro e quart, Loutejamen di Fontaines, quartié Petit saint Quentin
Inaguracioun de la carriero Frederi Mistral.
8 ouro e miejo de sèr, oustau coumunau, salo dóu Counsèu,
Acamp dóu Burèu Generau dóu Felibrige.
9 ouro de sèr, glèiso sant Pèire,
Cant poulifouni emé lou quatuor 2B2R (5 €*).
Dissate 22 de mai 2010
De 9 ouro de matin à 6 ouro de sèr,
Salo de Carbonnier, plaço di Courniero, acuiènço di felibre.
A parti de 9 ouro, grando carriero,
Marcat di proudutour de l’endré.
9 ouro e miejo e 10 ouro e miejo, Óufice dóu Tourisme,
Partènço de la vesito de la vilo.
10 ouro e miejo, Ciné 4, plaço Jasmin,
Li bastido, counferènci de Glaude Pons dóu Cèntre d’Estùdi di Bastido.
11 ouro e miejo, cour de l’oustau coumunau,
Aculido di felibre pèr lou Segne Pèire Sicaud, Proumié-conse de Castihounés
Vin d’ounour óufert pèr lou Municipe.
Miejour, repas souto li courniero, taulo e cadiero saran à dispousicioun pèr manja li proudu de l’endré croumpa au marcat di proudutour
2 ouro e quart, Oustau coumunau, salo dóu Counsèu,
Acamp dóu Counsistòri dóu Felibrige.
2 ouro à 6 ouro, plaço di Courniero, Jo tradiciounau presenta pèr la Maison de Pays La Limosina de Sant Auvènt.
3 ouro, Ciné 4, plaço Jasmin,
Counferènci :
l’Escolo de Jansemin pèr Andriéu Bianchi
Toupounimìo di païs d’o : un patrimòni de preserva pèr Jan Rigouste.
4 ouro à 6 ouro, plaço di Courniero e plaço de l’Ourmiero,
Animacioun musicalo e scèno duberto emé Terradour Flouricat, l’Amicala dels Rotiniers, l’Escloupeto, lou Raioulet de Sièis-Four.
4 ouro e miejo, glèiso sant Pèire,
Councert de la couralo de Douzains.
17 ouro, glèiso sant Pèire,
Councert de la couralo Montagnes et Ribères d’Oulouroun-Santo-Marìo.
6 ouro, Ciné 4, plaço Jasmin,
Fabuladas, uno garbo di fablo de La Fontaine, revirado en lengo d’o e countado dins li dos lengo pèr Tereso Duverger e Marcèu Esquieu (5 €*).
9 ouro de sèr, plaço di Courniero,
Grand councert emé Peiraguda (12 €*).
segui d’un balèti emé l’Amicala dels Rotiniers
Dimenche 23 de mai 2010
De 9 ouro de matin à 6 ouro de sèr,
Salo de Carbonnier, plaço di Courniero, acuiènço di felibre.
10 ouro, glèiso sant Pèire,
Uno grand messo en lengo d’O sara celebrado pèr l’abat Jòrgi Passerat, Majourau dóu Felibrige, emé la participacioun de la couralo dóu Raioulet de Sièis-Four.
11 ouro,
Grand passo-carriero di group mantenenciau d’Auvergno, de Gascougno-Biarn, de Guiano-Perigord, de Lengadò, de Limousin, de Prouvènço.
Miejour, plaço di Courniero,
Aculido di group mantenenciau, aloucucioun dóu Conse e dóu Capoulié, vin d’ounour pourgi pèr lou coumitat d’ourganisacioun.
2 ouro e miejo, plaço di Courniero,
Jo tradiciounau presenta pèr la Maison de Pays La Limosina de Sant Auvènt.
Animacioun pèr carriero.
3 ouro, plaço de l’Ourmiero
Court d’amour
presidado pèr la Rèino dóu Felibrige, Na Verounico Fabre-Valanchon.
5 ouro e miejo, Ciné 4, plaço Jasmin,
Sesiho academico di laus
Laus dóu Majourau Marcèu Bonnet prounouncia pèr lou Majourau Sèrgi Bec
Laus dóu Majourau Franc-Louis Depoutot prounouncia pèr lou Majourau Francés Pontalier
Lausenjo di valour felibrenco en Auvergno em’un oumenage à Patric Revellat prounouncia
pèr lou Majourau Nadau Lafon.
9 ouro de sèr, plaço di Courniero,
On n’est pas venu là pour en prendre, espetacle pèr la coumpagnié dis Arts Modestes emé Danié Chavaroche e Jan Bonnefon (5 €*).
Dilun 24 de mai 2010
De 8 ouro e miejo de matin à miejour, Ciné 4, plaço Jasmin, acuiènço di felibre.
9 ouro e quart, Ciné 4, plaço Jasmin,
Acamp dóu Counsèu Generau dóu Felibrige (reserva i felibre).
1 ouro, Salo de la Ferrette
Taulejado soulenno de la Coupo (reservado i felibre)
Souto la presidènci dóu Capoulié En Jaque Mouttet.
8 ouro e miejo de sèr, Ciné 4, plaço Jasmin,
Las sasons filme en présènci de la countarello-coumediano Mounico Burg e, souto reservo, de la realisatriço Pamela Varela e pichot filme realisa pèr lis enfant de l’escolo meiralo de Castihounés (5 €*).
(*) Passo pèr li cinq espetacle : 25 €.
Dimars 25 de mai 2010
Escourregudo (reservado i felibre)
9 ouro, plaço Jasmin
Partènço di càrri pèr la ciéuta e lou castèu de Duras, vesito, degustacioun, repas de miejour.
Retour à Castihounés vers 7 ouro de sèr.
Pèr tout entre-signe e reservacioun is espetacle pèr li noun felibre :
Coumitat Santo-Estello 2010 , Office du Tourisme, place des Cornières, BP 6, 47330 Castillonnès, Tel / Telecòpi : 05 53 36 87 44
courrièl : office-tourisme-castillonnes@wanadoo.com
Site internet : www.castillonnestourisme.com
Em’un prougramo ansin, sian segur que vendrés noumbrous festeja la culturo d’o à Castihounés.
Portfolio
