Santo-Estello 2020

Santo-Estello

Coungrès dóu Felibrige

en vilo de Mendo (Lousero)

dóu 29 de mai au 2 de jun 2020

an 166en dóu Felibrige

REMANDADO EN 2021

 

 

Li felibre retrovon Mendo e lou païs gabau, 121 an après l’espelido de l’Armanac de Lousero, 68 an après la foundacioun de la revisto Lou Païs, 31 an après la creacioun de l’Escolo Gabalo e 28 an après la darriero Santo-Estello que se i’es tengudo.

En s’acampant à Mendo, lou Felibrige, coume d’en pertout ounte tèn sesiho, vèn au rescontre de soun istòri. Eici en Lousero, l’envanc felibren s’embessouno emé lis óurigino dóu Felibrige, coume aiours, i’a d’ome qu’an entendu la crido dóu Mèstre e que se soun atela à l’obro. Mai res óublidara lou que coumpliguè lou plus bèu di pres-fa : l’umble canounge Fèlis Remize, di lou Grelhet. De-bon baiara l’essenciau de la Respelido en terro louserenco e, en justo recouneissènço soun buste fuguè inagura en 1992.

Acampa, dounc à Mendo, en Lousero qu’a douna lou grand Leoun Teissier, lou Felibrige countùnio soun istòri, vèn, counsciènt dis ànci dóu moumen mai tambèn fisançous dins lis endevenènço avenidouiro, i’escriéure uno pajo nouvello de soun astrado. Aquelo pajo, la vèn escriéure en pleno couërènci emé l’èime d’aqueste terraire que di counfin de la Margerido, dóu Mount-Lousero, dóu Causse de Sauvo-Terro e de l’Aubrac endrudi d’un patrimòni moundiau de l’umanita « agroupastouralisme » de l’Unesco, s’encapo emé li valour toustèms aparado pèr lou Felibrige, d’ùni valour que vuei, mai que jamai endraion e enlusisson soun camin de vido e soun atualita : armounìo entre lis èstre, diversita culturalo, sauvo-gardo patrimounialo e envirounamentalo, desveloupamen duradis, trasmessioun.

Lou prougramo de la Santo-Estello mendeso s’encapo plenamen dins aquel entèndre, emai, soun ande artisti, inteleituau, pedagougi o encaro sa part de remembre e li talènt e coumpetènci que se i’espremisson, an de pivela felibre e publi.

J.M.

 

Trin di FÈSTO

Divèndre 29 de mai 2020

De 2 ouro à 6 ouro de sèr : Espàci evenimen Jòrgi Frêche, plaço dóu Fierau, acuiènço di felibre.

5 ouro : Mediatèco Lamartine, plaço dóu Fierau, inaguracioun coumentado de l’espousicioun « Patrimoine UNESCO », en presènci de l’Entente Causses et Cévennes.

6 ouro : Tiatre de Mendo, plaço dóu Fierau, espetacle dis enfant dóu cursus bilengo dis escolo publico de la Vilo dóu CP au CE1 (ourganisa pèr l’ADOC).

8 ouro e miejo de sèr : Tiatre de Mendo, plaço dóu Fierau, espetacle dis enfant dóu cursus bilengo dis escolo publico de la Vilo dóu CE2 au CM2 (ourganisa pèr l’ADOC).

 

Dissate 30 de mai 2020

De 8 ouro e miejo de matin à 6 ouro de sèr : Espàci evenimen Jòrgi Frêche, plaço dóu Fierau, acuiènço di felibre.

8 ouro e quart : Coumuno annèisso, plaço Carle de Gaulle, salo Enri Bourrillon, acamp dóu Burèu Generau dóu Felibrige*.

De 9 ouro de matin à miejour : Mediatèco Lamartine, plaço dóu Fierau, vesito libro de l’espousicioun « Patrimoine UNESCO ».

9 ouro e miejo : Coumuno annèisso, plaço Carle de Gaulle, salo Enri Bourrillon, acamp dóu Counsistòri dóu Felibrige*.

10 ouro : Vesito guidado bilengo de la vilo e de la catedralo*.Despart davans l’Oufice dóu Tourisme, plaço dóu Fierau.

10 ouro e miejo, 4 ouro e miejo e 5 ouro e miejo : cèntre vilo, animacioun musicalo emé « Les Fifrelets ».

2 ouro e miejo : Antirouille, plaço du Fierau, acamp de l’Assemblado di jouine dóu Felibrige.

3 ouro : Salo Urban V, carriero Sant-Ilpide, counferènci « Troubadours en Gévaudan » pèr Rouland Pecout.

4 ouro : Salo Urban V, carriero Sant-Ilpide, presentacioun « Carnet pédagogique » pèr l’ADOC.

5 ouro : Carriero Séjalan, desvela d’uno lauso e oumenage à Oulivié Alle, foundadou de la revisto Lou Païs.

8 ouro e miejo de sèr : Tiatre de Mendo, plaço dóu Fierau, Pantais Clus, espetacle Rodin Kaufmann. Flamo creacioun d’un pouèto pluridisciplinàri que mesclo mai que d’un estile musicau sènso qu’un manje l’autre. Es un equilible sutiéu qu’espremisson cant, clavié analougi, guitarro, batarié eleitrò-acousti, arpo mandoulino d’óutavo, violo eleitrico…

Dimenche 31 de mai 2020

De 8 ouro e miejo de matin à 6 ouro de sèr : Espàci evenimen Jòrgi Frêche, plaço dóu Fierau, acuiènço di felibre.

9 ouro : Catedralo Nosto-Damo e Sant-Privat, plaço Urban V, uno messo en lengo d’o sara councelebrado emé la participacioun de la Couralo Santo-Cecilo.

10 ouro e miejo : De la plaço Urban V au jardinet Emile Joly, grand passo-carriero dis escolo mantenencialo d’Aquitàni, d’Auvergno, de Gascougno-aut-Lengadò, de Lengadò-Roussihoun, de Limousin, de Prouvènço e di group presènt.

11 ouro e miejo : Jardinet Emile Joly, recepcioun dis autourita e di felibre pèr lou Counsèu despartamentau de la Lousero e la Vilo de Mendo.

3 ouro e miejo : Tiatre de Mendo, plaço dóu Fierau, court d’amour presidado pèr N’Adelino Bascaules-Bedin, rèino dóu Felibrige, emé Las Belutas dau canto (Aquitàni), Les Véziens e La Miramontesa (Auvergno), Les Troubadours du Comminges (Gascougno-aut-Lengadò), La Farandole de Béziers (Lengadò-Roussihoun), L’Estella Lemosina (Limousin), Nice la Belle (Prouvènço).

9 ouro de sèr : Tiatre de Mendo, plaço dóu Fierau, councert dóu cantaire louserian Felipe Vialard e si musician.

Dilun 1ié de jun 2020

De 9 ouro de matin à miejour : Tiatre de Mendo, plaço dóu Fierau, acuiènço di felibre.

9 ouro e quart : Tiatre de Mendo, plaço dóu Fierau, acamp dóu Counsèu Generau dóu Felibrige* segui dóu laus de la majouralo Pauleto Cherici-Porello prounouncia pèr lou majourau Paulin Reynard.

1 ouro : Espàci evenimen Jòrgi Frêche, plaço dóu Fierau, Taulejado soulenno de la Coupo* souto la presidènci dóu capoulié En Jaque Mouttet.

8 ouro e miejo de sèr : Salo Urban V, carriero Sant-Ilpide, Ont anam ? tiatre umouristi en lengo d’o pèr Andriéu Clément.

Dimars 2 de jun 2020

9 ouro :  Garo multimoudalo, alèio di souspir, (sus plaço pargue d’estaciounamen à gratis), partènço de l’escourregudo*.

La Cham des Bondons, La Fare, repas au Pont de Mount-Verd. Retour pèr lou Mount Lousero e Bagnòu-li-Ban.

Espousicioun

À la mediatèco Lamartine, plaço dóu Fierau :

– « Patrimoine UNESCO »

À l’Espàci evenimen Jòrgi Frêche, plaço dóu Fierau, dóu 29 de mai au 1ié de jun :

– « Amicale Philatélique du Gévaudan », burèu tempouràri, sagèu poustau, timbre persounalisa, carto souveni

– « Frederi Mistral » óujèt souveni, courrespoundènci, doucumen divers

– « Costumes et objets lozériens » prepausa pèr La Bourrèio.

– Banc de Les Amis du Païs et l’Escolo Gabalo.

 

* Reserva i felibre

 

Entre-signe

– Quàuquis ajustamen au prougramo soun poussible.

– Iscripcioun : li felibre an de se rapourta à la circulàri e au buletin d’iscripcioun manda emé la revisto numerò 318 dóu mes de mars-abriéu 2020.

– Lis espetacle soun publi e à gratis.

Vist, lou Capoulié Jaque Mouttet e lou Baile Paulin Reynard.

Ourganisacioun de la Santo-Estello 2020 :

Ville de Mendo emé la coulabouracioun dis Amis du Païs et l’Escolo Gabalo, lou councous de l’Union Européenne, dóu Conseil Régional Occitanie Pyrénées-Méditerrénée, dóu Département de la Lozère, de la Communauté de communes Cœur de Lozère, de Les Causses & les Cévennes, e de l’A.D.Oc 48.

– Toucant l’ourganisacioun, entre-signe de-vers : Verounico Jouve – 04 66 49 40 03 – vjouve@mende.fr    e Felibrige 04 42 27 16 48 –

– Toucant l’aubergamen, entre-signe de-vers : Office de Tourisme intercommunal de Mende – Place du Foirail – BP 83 – 48000 Mende – 04 66 94 00 23 –

 

Cet article a été publié par

© Le Felibrige Tous Droits réservés | Réalisation Dream Media® 2016 - Mentions légales et crédits