GRAND JO FLOURAU

Grand Jo Flourau setenàri dóu Felibrige 2018

Grands jeux floraux du Félibrige

Depuis ses origines les plus anciennes, les jeux floraux ont pour but de maintenir et d’exalter la langue d’oc. Pour la première fois en 1878, puis régulièrement tous les sept ans, le Félibrige organise de Grands Jeux floraux. En 2018 ce sont donc les vingt et unième qui sont proposés.

Les Grands Jeux floraux, tout d’abord destinés à récompenser les meilleurs poètes, puis les meilleurs écrivains de langue d’oc, sont devenus aujourd’hui un remarquable concours appelé à honorer les meilleures créations littéraires, culturelles et audio-visuelles en langue régionale des régions du sud de la France. Le concours se divise ainsi en neuf catégories : Poésie, Prose, Théâtre, Étude, Pédagogie e Didactique, Traduction, Chanson, Clip et film, diaporama.

Les Lauréats et les Grands Lauréats proclamés depuis 1878, incarnent le symbole d’une culture vivante en constante évolution et la grandeur de la littérature héritée des troubadours, ils sont le reflet d’une culture profondément enracinée et toujours expansive.

Tous, dignes de leurs prédécesseurs, savants de la langue d’oc, perpétuent la splendeur éternelle des belles-lettres, ils en sont la référence et les garants.

C’est le samedi 19 mai 2018 dans la grande salle du Centre culturel de Bergerac (Dordogne), place Gambetta, que sera proclamé le palmarès et que le Grand Lauréat 2018 choisira la vingt et unième Reine du Félibrige.

Grand Jo Flourau setenàri dóu Felibrige 2018

 

Despièi sis óurigino li mai anciano, li jo flourau an pèr toco de manteni e d’enaura la lengo d’O. Pèr lou proumié cop en 1878, pièi regulieramen tóuti li sèt an, lou Felibrige ourganiso de Grand Jo flourau. En 2018 soun dounc li vint-e-unen que soun prepausa.

Li Grand Jo Flourau, d’abord destina à guierdouna li meiour pouèto, pièi li meiours escrivan de lengo d’O, soun devengu aro un councous de marco qu’a pèr amiro d’ounoura li meióuri creacioun literàri, culturalo e audiou-visualo en lengo nostro. Lou councous es ansin parti en nòu seicioun : Pouësio, Proso, Tiatre, Estùdi, Pedagougìo e Didatico, Reviraduro, Cansoun, Lèu-vist e filme, Diapourama.

Li Laureat e li Grand Laureat prouclama despièi 1878, incarnon lou simbèu d’uno culturo vivo en coustanto evoulucioun e la grandour de la literaturo eiretado di troubadour, soun lou mirau d’uno culturo arrapado e sèmpre espansivo.

Tóuti, digne de si davancié, sabènt de la lengo d’o, perpetuïsson lou trelus eternau di bèlli letro, n’en soun la referènci, n’en soun li cepoun.

Es lou dissate 19 de mai 2018 dins la grand salo dóu Centre culturau de Brageirac (Perigord), plaço Gambetta, que sara prouclama lou paumarés e que lou Grand Laureat fara la chausido de la vint-e-unenco Rèino dóu Felibrige.

 

 

GRAND JO  FLOURAU 

SETENÀRI

DÓU FELIBRIGE

DE 2018

__________________

 

REGLAMEN

Art 1 :

Soun óuficialamen dubert entre lis escrivan e lis autour-realisatour de lengo d’o li Grand Jo flourau dóu Felibrige pèr l’an 2018 à la dato dóu 5 de jun 2017.

Art 2 :

Aquésti Jo flourau, tóuti, encarta o noun au Felibrige, an dre de ié partecipa, franc di Felibre Majourau que n’an pas lou dre, pas meme souto un autre noum.

Art 3 :

Li targaire se faran marca pèr cado obro presentado dins l’uno di seicioun seguènto :

Seicioun A : Pouësìo

Seicioun B : Proso

Seicioun C : Tiatre

Seicioun D : Estùdi

Seicioun E : Pedagougìo e Didactico

Seicioun F : Reviraduro

Seicioun G : Cansoun

Seicioun H : Lèu-vist (clip) o Filme sus DVD o clau USB

Seicioun  I : Diapourama (PowerPoint) sus DVD o clau USB

Lou meme targaire poudra se faire marca dins mai d’uno seicioun, mai un soulet cop dins uno memo seicioun.

Art 4 :

Tóuti li gènre saran amés, li sujèt libre, emai tóuti li parla de lengo d’o saran aceta emai tóuti li grafìo, à coundicioun que la lengo emplegado coume la grafìo s’endevèngon l’uno e l’autro couërento e recouneigudo pèr l’usage, ço que coustituïra uno coundicioun d’à-founs necessàri. I’a ges de limitacioun dins lou noumbre e/o la loungour dis obro presentado, pamens devran èstre relativamen counsequènto, es descounseia, pèr eisèmple, de manda uno souleto pajo.

Art 5 :

Lis obro presentado poudran èstre : siegue d’obro inedicho, siegue d’obro editado. Pèr aquésti darriero, l’edicioun noun déura remounta à mai de sèt an. Lis uno coume lis autro noun auran degu èstre courounado pèr d’àutri Jo flourau.

Art 6 :

Lis obro en targo déuran èstre dignamen presentado e mandado en tres eisemplàri, fauto de que saran rebutado au moumen meme de l’iscripcioun. Saran tambèn rebuta li plagiat, o recouneigu coume tau pèr la jurado.

Art 7 :

Lis obro saran mandado pèr courrié poustau au pus tard lou 31 de janvié 2018 au sèti :

FELIBRIGE – Parc Jourdan – 8 bis avenue Jules Ferry – 13100 AIX EN PROVENCE

Saran acoumpagnado d’un reglamen de 20 éurò pèr cade targaire au titre di frès d’iscripcioun, (chèque à l’ordre de : FELIBRIGE.)

Lou secretariat dóu Felibrige n’acusara recepcioun pèr courrié-tournant.

Art 8 :

La Jurado sara coumpausado de sèt Felibre Majourau nouma pèr lou Counsistòri, que poudran s’ajougne, à titre counsurtatiéu unicamen, quau ié counvendra pèr juja dis obro que saran presentado, en particulié dins li Seicioun G, H e I. Counfourmamen à l’article 24 dis Estatut dóu Felibrige, lou Capoulié presidara à sis acamp.

Art 9 :

S’atribuïra tres prèmi pèr cado seicioun, que poudran pamens èstre reserva, emai de mencioun en noumbre ilimita, à la bono voulounta de la Jurado. Noun se poudra decerni mai d’un prèmi o mencioun au meme targaire, senoun dins de seicioun diferènto. La naturo di prèmi decerni e di mencioun sara leissado à la discrecioun dóu Counsistòri e dóu Counsèu Generau que n’auran fissa li limito.

Art 10 :

Lis obro presentado i Jo flourau noun saran restituïdo i targaire, mai versado à titre definitiéu is archiéu dóu Felibrige.

Art 11 :

Li targaire restaran prouprietàri mourau de sis obro e gardaran tóuti li dre d’edicioun e de traducioun que ié soun restaca, franc d’aquéli de leissa au Felibrige la priourita pèr soun edicioun à gratis, dins lou cas que sarien jamai estado editado.

Art 12 :

Li proumié prèmi di seicioun A, B, C, D, E, F, G, se soun felibre, saran prouclama Mèstre en Gai-Sabé. Demié éli la Jurado noumara lou Grand Laureat di Jo flourau.

Art 13 :

La prouclamacioun dóu paumarés sara facho pèr lou Capoulié dóu Felibrige dins uno  sesiho soulenno e publico que se tendra lou dissate 19 de mai 2018 pèr lou Coungrès de la Santo-Estello en vilo de Brageirac e lou Raport di Jo flourau sara legi pèr un di membre de la Jurado. Es dóu tèms de la memo sesiho que lou Grand Laureat aura lou privilège de chausi quatecant, emé l’acord dóu Capoulié e de la Jurado, la XXIenco Rèino dóu Felibrige.

Art 14 :

S’adurra ges de moudificacioun au presènt reglamen.

                                                                                                                         Lou Capoulié   Jaque Mouttet

Lou Baile  Andriéu Gabriel                                                                                                                                                                                

Aquéli Grand Jo Flourau dóu Felibrige soun douta d’uno soumo gloubalo de 10 000 éurò

 REGLAMEN JO FLOURAU 2018 déf

Cet article a été publié par

© Le Felibrige Tous Droits réservés | Réalisation Dream Media® 2016 - Mentions légales et crédits