Coungrès FORUM D’OC

I Felibresso e felibre

Mantenènço de Prouvènço

Touloun, lou 23 de febrié 2016

Caro amigo, car ami,
-Lou 12 de mars 2016, se debanara à Marsiho lou rescontre annau de Forum d’oc.

Vous rapelle que Forum d’oc es esta crea en 2013 à l’iniciativo de la Mantenènço de Prouvènço dóu Felibrige, de l’Istitut d’Estùdi Óucitano de la regioun Prouvènço-Aup-Costo d’Azur, de la Federacioun prouvençalo di Calandretas, de l’Assouciacioun pèr l’ensignamen de la lengo d’O de la regioun Prouvènço-Aup-Costo d’Azur unido à l’Assouciacioun di proufessour de lengo regiounalo de l’Acadèmi de Niço.
Vous rapelle tambèn que Forum d’oc a pèr toco d’oubra pèr l’agudo d’un cadre legislatiéu e reglementàri adata ; d’assegura la presènci de la lengo dins la vido quoutidiano ; de desvouloupa l’ensignamen e li fourmacioun, enfin de preserva lou Patrimòni e proumòure la creacioun.
M’adrèisse à vous, qu’erès presento e presènt en 2013, pèr vous demanda de veni à Marsiho. Es nosto toco de felibre de nous faire vèire e de nous faire entèndre pèr oubra pèr la lengo e la culturo nostro.

-Au mai saren, au mai nous escoutaran e ansin poudren faire avans !

-Lou prougramo qu’es prepausa déurié agrada au plus grand noumbre.
– Lou trouvarés estaca en pèço jouncho.
-Vous demande tambèn, pèr segui li recoumandacioun ecoulougico, d’assaja de faire de couveiturage, qu’acò farié mens de CO2 sus la routo ! Sarés bèn bravo, brave, pèr lou bon debana d’aquéu biais de faire, de lou faire assaupre pèr mèl manda à la secretairis emé li noum di participant : .

-Comte sus vous pèr faire d’aquéu rescontre un sucès, e vous gramacìe tre aro pèr voste engajamen.

-Amistousamen
-Gui Revest
-Sendi de la Mantenènço de Prouvènço
-Presidènt de Forum d’Oc

Cet article a été publié par

Agenda

< 2022 >
Août
LMMJVSD
1234567
891011121314
15161718192021
22232425262728
293031    
© Le Felibrige Tous Droits réservés | Réalisation Dream Media® 2016 - Mentions légales et crédits