Paumarès di grand jo flourau

GRAND JO FLOURAU SETENÀRI

Lou Capoulié dóu Felibrige, En Jaque Mouttet, fagué la prouclamacioun di resultat, es à dire :

* Pouësìo : Mencioun acourdado à : Arvei Berenguier (Ais de Prouvènço) – Alan Brunaud (Ièro) – Jan-Francés Costes (Paris) – Bregido Miremont (Perigus) – Jan-Pèire Sichère (Roco fort dóu Gard) – Proumié prèmi atribüi à Gui Mathieu (Paris)

* Proso (Rouman e nouvello) : Mencioun à : Pauleto Baylac-Serret (Campan – 65) – Doumenico Brondello (Vidauban) – Danié Daumas (Artignosc) – Miquèu Pallanca (Niço) – Tresen prèmi ex-æquo à : Jan-Pèire monier (Nime) e Jaume Couloubrié (La Gardo)
Segound prèmi à : Jano Blacas (Brignolo) – Proumié Prèmi à : Jòrgi Mauri (Aurillac)

* Tiatre : Mencioun à Miquèu Miaille (Aurenjo) – Tresen prèmi à : Marìo-Paulo Sola-Chabal (St Julian de Peiroulas) – Segound prèmi à Diego Anghilante Sampeyre / Itàli) – Proumié prèmi à Jan-Lu Gag (Niço)

* Estùdi : Mencioun à : Arvei Berenguier (Ais de Prouvènço) – Tresen prèmi à : Rousselino Martano (La Valette-83) – Segound prèmi à : Miquèu Bonnefoy (Arle) – Proumié prèmi à Jaume Taupiac (Mount-Alban).

* Pedagougìo e didatico : Tresen prèmi à Bernadeto Zunino (La Valette) – segound prèmi e proumié prèmi reserva – Mencioun especialo foro councous à Jan-Miquèu Jausseran (Marsiho)

* Cansoun : Segound prèmi à : Miquèu Pellegrino (Ièro) – Proumié prèmi à Jan-Bernat Plantevin (Mazan)

* Lèu-vist e filme sus DVD : Tresen prèmi à : Escolo meirenalo (Castihounés) – Segound prèmi à : Felipe Reig (Manduei) – Proumié prèmi à Brunoun Sabbatini (Verzuelo – Itàli)

* Diapourama : prèmi noun atribüi

A la fin de la prouclamacioun d’aquéli resultat, lou Capoulié En Jaque Mouttet diguè que la jurado èro estado particulieramen amirativo davans l’obro tiatralo de Jan-Lu Gag de Niço, adounc prouclamè Jan-Lu Gag Grand Laureat pèr aquésti vinten Jo Flourau Setenàri.
-Faguè remarca lou Capoulié que lis obro de Mèste Gagliolo, autour de pèço de tiatre en niçard, soun sèmpre bèn escricho, bèn reglado emé li reboumbimen necite pèr teni lou publi en alen ; de mai au travès de sis obro l’autour adus au publi de couneissènço sus nosto culturo, sus nosto istòri. Aquel autour es lou digne eiretié d’uno lignado d’ome de tiatre que despièi vuetanto an enlusisson lou tiatre en lengo nostro.
Se bèn souvènt lou Grand laureat di jo flourau es un pouèto, o uno pouetesso, la chausido d’aquest an a rèn d’estraourdinàri, adeja en 1962 l’autour de tiatre Pau Marquion èro esta prouclama Grand Laureat di Jo Flourau setenàri.

Fuguèron alor presentado en diapourama li fotò di diferènti rèino dóu Felibrige despièi la proumiero en 1878, Marìo Frederi Mistral.
En seguido d’aquesto prouclamacioun Lou grand laureat Jan-Lu Gag faguè uno bello dicho pèr gramacia la jurado emai tout lou Felibrige pèr aquelo nouminacioun ; venguè alor lou moumen ounte prouclamè pèr rèino dóu Felibrige Damisello Angelico Marçais ; aquelo d’aqui es uno jouino e poulido niçardo, escarabihado, que jogo dins la chourmo dóu tiatre niçard de Francis Gag, se destino à l’ensignamen, es tambèn membre dóu group Nissa la bella, porto fieramen lou coustume tradiciounau e dins sa dicho de gramaci moustrè que tèn perfatamen la nostro lengo. Desenant lou prince dóu Mounegue aura pèr vesino uno rèino à Niço !
Adounc pèr sèt an, enjusqu’à 2018 la rèino Angelico regnara pèr soun gentun e sa bèuta sus lou Felibrige.

Cet article a été publié par

Agenda

< 2022 >
Septembre
LMMJVSD
   1234
567891011
12131415161718
19202122232425
2627282930  
© Le Felibrige Tous Droits réservés | Réalisation Dream Media® 2016 - Mentions légales et crédits