Nouvello de nòsti Sòci japounès

Nouvello de nòsti Sòci japounès

Lou Capoulié dóu Felibrige adreissè après lou terro-tremo, i Sòci e is ami dóu Felibrige au Japoun, lou messàgi que vaqui : « Sian en plen destimbourla davans lou malastre qu’aclapo voste païs.
-Au noum dóu Felibrige e en moun noum persounau, vous vole asssegura de nòsti fóunsi pensado emai de touto nosto coumpassioun.
-Vous souvetan courage e tenesoun dins aquelo tant feroujo mau-parado.
Sian de tout cor emé vous.
Bèn couralamen. »

La Sòci Sano Naoko respoundeguè tant lèu : « Car Senhor lou Capoulié Mouttet,
-Mercès plan de ton coriel que m’a balhat del coratge.
-Sieu ben viventa, ieu, ma familha, e los amics tots van ben.
-Nagoya, ont demori, es luenh de las zònas naufradas, e i a pas agut de degats.
-Mas es ver que aqueste terra-tremol es LA catastròf, se sap meme pas encara lo numbre dels morts, dels desapareissuts.
-I a encara lo problèma de la Centre nuclaris. Podem pas que pregar…
Ai contactat amb Pr. Seto, que va ben. Dins son ostal a Tokyo, de bibliotècas son tombadas, mas pas de degats, urosament.
-Per Prof.Kudo, sabi pas… mas cresi que va ben (Sens nòvas, bonas nòvas!).
-Diga als amics felibres que Naoko va ben al Japon.
Ben cordialament. »

Lou Baile tambèn escambihè de message emé lou sòci Naohiko Seto que ié diguè soun esfrai davans lou malastre e si counsequènci.

-Dous àutris universitàri japounès que s’interesson eila à nosto lengo nous an peréu fa saupre que van bèn mai que la malemparado es di grando.

Cet article a été publié par

Agenda

< 2021 >
Janvier
LMMJVSD
    123
45678910
11121314151617
18192021222324
25262728293031
© Le Felibrige Tous Droits réservés | Réalisation Dream Media® 2016 - Mentions légales et crédits