Counsèu de l’escri mistralen

COUNSÈU
DE L’ESCRI MISTRALEN

Gènto Amigo, bel Ami,

-A l’aflat dóu Felibrige s’es créa un « Counsèu de l’Escri Mistralen », la toco majo d’aquéu Counsèu culturau es de garda à la grafìo mistralenco touto sa moudernita, valènt-à-dire d’en proumié d’atualisa lou Trésor dóu Felibrige en l’enrichissent di nouvèu mot de noste siècle. Aquéli neoulougisme manquant, n’en troubaren dins l’obro e la courrespoundènci de Frederi Mistral enjusquo 1914.
-De 1914 à 2006, i’a uno moulounado de terme nouvèu qu’an espeli de tras lou mounde, es tèms pèr lis aparaire de l’escrituro mistralenco de recampa e de coudifica tóuti aquéli mot, dins l’èime mistralen.
-Saren jamai proun pèr coumpli, de-coutrio, aquelo besougno. Couneissèn voste estacamen à l’obro de Frederi Mistral e voste afougamen pèr garda soun biais d’escriéure nosto lengo, pèr acò vosto participacioun pòu èstre preciouso, se voulès, dins aquéu Counsèu.
-Es de bon dire qu’aquéu Counsèu de l’Escri Mistralen, emai siguèsse créa pèr lou Felibrige, restara pamens libre dins soun travai e si decisioun. Pèr provo, es pas prepausa rèn qu’i Felibre, es pas cantouna rèn qu’i grand saberut, es dubert à tóuti li mistralen de cor, estaca à la grafìo dóu Mèstre que podon adurre sa pèiro au clapié.

Cet article a été publié par

© Le Felibrige Tous Droits réservés | Réalisation Dream Media® 2016 - Mentions légales et crédits